სკანდალი შოუბიზნესში - პროდიუსერი და მომღერალი ჯიმი მაქაცარია თაღლითობისთვის დააკავეს

სამართალი - 14:58, 04 Dec, 2020

1396

თაღლითური სქემა, რომლის გამოც პროდიუსერი და მომღერალი ჯიმი მაქაცარია პოლიციამ დააკავა - როგორც გაუირკვა, ის მოქალაქეებს მოტყუებით ფულს სძალავდა, სანაცვლოდ კი ამერიკაში წასვლას ოფიციალურად მოწესრიგებული დოკუმენტებით ჰპირდებოდა.

მაქაცარია ადამიანებს ეუბნებოდა, რომ ისინი ამერიკაში გია ჯაჯანიძესთან ერთად წავიდოდნენ და ვიზასაც მიიღებდნენ, სანაცვლოდ კი მათ 17 ათასი დოლარი უნდა გადაეხადათ.

მაქაცარიას ადვოკატის განცხადებით, მისთვის ჯერ-ჯერობით უცნობია, რის გამო დააკავეს მისი დაცვის ქვეშ მყოფი. როგორც ნანა ფილაური აცხადებს, მაქაცარია საგამოძიებო უწყებაში მოწმის სტატუსით გუშინ დაიბარეს, თუმცა იქ მისვლის შემედგ უკან აღარ გამოუშვეს. უფლებადამცველი დარწმუნებულია, რომ გაუგებრობას აქვს ადგილი და მისი დაცვლის ქვეშ მყოფს მალე გამოუშვებენ.
რაც შეეხება ტელეწამყვან გია ჯაჯანიძეს, მისი განცხადებით აღნიშნული ფაქტი მოულოდნელი არ ყოფილა, რადგან ბოლო პერიოდში უამრავი ზარი შედიოდა მასთან, რომლის ავტორებიც ეუბნებოდნენ, რომ აღნიშნული თანხა ძალიან დიდი იყო და მის დაწევას სთხოვდნენ:
"მირეკავდნენ ადამიანები და თანხის დაკლებას მთხოვდნენ, თავიდან შოკი მივიღე, ეგეთ რაღაცეებში ძალიან მშიშარა ვარ, ბოლოდ გადავირიე და დავიწყე ძებნა. ვიღაც ყოფილა პარიზში, ემიგრანტი, რომელიც აკეთებდა ასეთ რაღაცას, პირდაპირ ასახელებდა, თითქოს მე წავიყვანე" - განაცხადა ჯაჯანიძემ.
შოუბიზნესის წარმომადგენლის გიორგი მასხულიას განცხადებით, მისთვის მოულდნელი იყო მაქაცარიას დაკავება. მასხულიამ ისიც აღნიშნა, რომ არ იცოდა ჯიმის მეორე საქმიანობის შესახებ:
"ჩვენ ვმეგობრობდით, ძალიან ვახლობლობდით, მაგრამ არ ვიცი... ადამიანებს ალბათ მეორე სფეროც აქვთ, რომელსაც მალავენ ხოლმე, მაგრამ ჯიმისგან წარმოუდგენელი იყო ეს სიტუაცია. ჯერ კიდევ ვერ ვიჯერებ, იმედია ყველაფერი კარგად დამთავრდება. რომ მქონოდა ინფორმაცია, რა თქმა უნდა რჩევასაც მივცემდი და ვეტყოდი, რომ ასე არ შეიძლება, მაგრამ, სამწუხაროდ, არანაირი ინფორმაცია არ მქონდა" - განაცხადა მასხულიამ
ჯიმი მაქაცარია ამჟამად ზაჰესის წინასწარი დაკავების იზოლატორში იმყოფება.