გამოძიება მიმდინარეობდა მიკერძოებულად და არ იყო მიმართული ხელმძღვანელი პირების პასუხისმგებლობის დადგენაზე

გამოძიება მიმდინარეობდა მიკერძოებულად და არ იყო მიმართული ხელმძღვანელი პირების პასუხისმგებლობის დადგენაზე - Human Rights Watch 20 ივნისზე

პოლიტიკა - 20:47, 13 Jan, 2021

320

"Human Rights Watch" აქვეყნებს ახალ ანგარიშს და საქართველოში 2020 წელს განვითარებულ მოვლენებს აჯამებს , სადაც საუბარია: პანდემიაზე, საპარლამენტო არჩევნებზე, მედიის თავისუფლებაზე, შრომით უფლებებზე, სამართალდამცავთა მიერ ჩადენილი დანაშაულების არასათანადო გამოძიებასა და სხვა ფაქტებზე.

ანგარიშში საუბარია სამართალდამცველების დაუსჯელობაზე და ამ კონტექსტში 2019 წლის 20 ივნისის, გავრილოვის ღამის მოვლენებია მაგალითად მოყვანილი.

ორგანიზაციის შეფასებით, გამოძიება 20 ივნისის საქმეზე მიკერძოებულად მიმდინარეობდა.

"სამართალდამცავთა დაუსჯელობის პრობლემა განსაკუთრებით მწვავე იმ შემთხვევებთან მიმართებით რჩებოდა, რომლებიც „სახელმწიფო ინსპექციის სამსახურის“ ამოქმედებამდე იყო ჩადენილი. 2019 წლის ივნისის მოვლენების გამოძიება, როდესაც პოლიციის სპეცრაზმებმა რეზინის ტყვიები და ცრემლსადენი გაზი გამოიყენეს თბილისში, პარლამენტის შენობის წინ შეკრებილი ათასობით დემონსტრანტის წინააღმდეგ, უმეტესად მიკერძოებულად მიმდინარეობდა. სახალხო დამცველის შეფასებით, რომელიც საქმის წარმოებას აკვირდებოდა, გამოძიება "ორიენტირებულია მხოლოდ რიგითი პოლიციელების დანაშაულებრივი ქმედებების აღმოჩენასა და მათი ცალკეული როლის შეფასებაზე და არ არის მიმართული ხელმძღვანელი პირების პასუხისმგებლობის დადგენაზე." - ვკითხულობთ ანგარიშში.