კოვიდპანდემიამ კერძო ბიზნესი ყველაზე მეტად დააზარალა , უმეტესობასულს ღაფავს და შესალოა ფუნქციონირება ვერც გააგრძელონ. ამ ყველაფრის ფონზე ბორჯომის მერიამ კერძო ბინებისა და კოტეჯების მფლობელების დაჯარიმება დაიწყო - თუ ბინის მესაკუთრეები საცხოვრებელს არ დაცლიან ფინანსური სამსახური მათ 2 ათასი ლარით დააჯარიმებს.

აღსანიშნავია, რომ პირი, რომელმაც დამსვენებლები გააფრთხილა, გოჩა გობრონიძეა, ბორჯომის მერის წარმომადგენელი. ბაკურიანში ამ საკუთარი სასტუმრო აქვს, რომელსაც სახელმწიფო დიდ თანხას უხდის საკარანტინე სივრცის მოსაწყობად.

მათი თქმით, მთავრობა "ოცნების" შემომწირველებს საკარანტინე ღონისძიებებში მილიონობით ლარს უხდის, მცირე მეწარმეებს კი სანქციებს უწესებს და შემოსავალს ართმევს.

ოპოზიციის შეფასებით, ეს არის ხელისუფლებისა და მსხვიილი ბიზნესის კორიფციული გარიგება - მმართველი პარტიის დაფინანსების სანაცვლოდ, ბიზნესმენები იგებენ მაღალშემოსავლიან ტენდერებს და სახელმწიფოსგან მილიონები ერიცხებათ:

"ჩვენ ვხედავთ, რომ კოვიდის მართვის პერიოდში გამოიკვეთა ტენდენცია, რომელიც აჩენს კითხვის ნიშნებს, პირველი უმეტესობა ამ სასტუმროების, რომელიც იქირავეს კარანტინისთვის არის პირდაპირი ხელშეკრულებები ტენდერის გარეშე. მეორე ცალსახად ჩანს გაფორმებული ხელშეკრულებებში, რომ პრიორიტეტი აქვს მინიჭებული იმ კომპანიებს, რომლებიც არიან შემომწირველები", - ამბობს ელენე ხოშტარია

"ადამიანებს, რომლებიც გარკვეულ შემოსავალს იღებენ მათ ემუქრებიან, რომ თუ სტუმრებს არ გაყრითო, მაშინ დაგაჯარიმებთო. ეს ადამიანები გადაამისამართეს ქართული ოცნების შემომწირველებთან", - განაცხადა ენმ-ის წევრმა, ლევან ხაბეიშვილმა

"ევროპული საქართველოს" პოლიტსაბჭოს წევრი, ბესიკ დონაძე აცხადებს, რომ კორუფციული სქემა იმ დღიდან ამუშავდა, როდესაც საკარანტინე სივრცეები განთავსდა სასტუმროებში.

ცნობისთვის, 21 მარტიდან 15 ნოემბრის ჩათვლით, ტურიზმის ეროვნულმა ადმინისტრაციამ სავალდებულო კარანტინის უზრუნველყოფისათვის 78 მილიონ ლარზე მეტი დახარჯა.

შეგახსენებთ, რომ ბაკურიანში ფინანსური სამსახურის წარმომადგენლები და სამართალდამცველები 2 დღის წინ მივიდნენ და მოქალაქეებს ნაქირავები ბინებისა და კოტეჯების დაცლა მოსთხოვეს.