"ჩემი ცხოვრების უდიდესი პატივი იყო აშშ-ს პირველი ლედობა", - ასე იწყება აშშ-ს პირველი ლედის, მელანია ტრამპის გამოსამშვიდობებელი სიტყვა.

თეთრ სახლში გატარებულ ოთხ წელზე ისაუბრა.

"როცა პირველი ლედის როლს ვემშვიდობები, მე გულწრფელად მწამს, რომ თითოეული ამერიკელი შეიტანს წვლილს, ასწავლოს შვილს, რას ნიშნავს იყო საუკეთესო. მე ვთხოვ მშობლებს უთხრან თავიანთ შვილებს მამაცი და თავდაუზოგავი გმირების შესახებ, რომლებიც მუშაობდნენ და მსხვერპლი გაიღეს, რათა ეს ქვეყანა უკეთესი გამხდარიყო.

არ გაუშვათ ხელიდან საკუთარი პატიოსნება და ღირებულებები. გამოიყენეთ ყველა შესაძლებლობა, რათა გამოხატოთ პატივისცემა სხვა ადამიანის მიმართ და ყოველდღიურ ცხოვრებაში კარგი ჩვევა შექმნათ.", - განაცხადა მელანია ტრამპმა.