დიდ ბრიტანეთში, ლონდონში, სტემფორდ ჰილის რაიონში პოლიციელებმა 400-კაციანი ქორწილი აღკვეთეს.

ასობით ადამიანის თავყრილობა ფარდებჩამოფარებულ შენობაში იმართებოდა.

სააგენტოს ცნობით, ქორწილის ორგანიზატორებს 10 000 ფუნტი სტერლინგის, ხოლო კიდევ 5 ადამიანს 200 ფუნტი სტერლინგის ჯარიმა ემუქრება.

ქვეყანაში მოქმედი ამჟამინდელი რეგულაციებით ქორწინების ცერემონიალზე მხოლოდ 6 ადამიანის დასწრებაა ნებადართული.

ქორწილი გოგონათა სკოლა "Yesodey Hatorah Girls School"-ში ჩატარდა, რომელშიც ებრაელი გოგონები სწავლობენ, ხოლო ამ რაიონში ევროპაში ორთოდოქსი ებრაელების ყველაზე დიდი კომუნა ცხოვრობს.

სკოლის დირექ2ცია აცხადებს, რომ მათ ქორწილის შესახებ არაფერი იცოდნენ, ხოლო დარბაზის გაქირავებაზე პასუხისმგებელი სკოლისგან დამოუკდებელი ორგანიზაცია იყო.