საქართველოს ბანკზე თავდასხმაში ბრალდებულ, ძებნილი ბადრი ესებუას ძმას კორონავირუსი არ დაუდასტურდა, ის იზოლაციაში იმყოფება - აღნიშნული ინფორმაცია "ნიუპოსტს" პენიტენციურმა სამსახურმა განუცხადა.

"სპეციალური პენიტენციური სამსახური განმარტავს, რომ 21 იანვარს გავრცელებული ინფორმაცია, თითქოს N2 დაწესებულებაში მყოფ ბრალდებულ ბ.ე.- ს covid-19 დაუდასტურდა, სიცრუეა. მოცემული პირი ასევე იზოლაციაშია, როგორც ინფიცირებულთან კონტაქტში მყოფი პირი, თუმცა მას ვირუსი დადასტურებული არ აქვს", - ვკითხულობთ განცხადებაში .

უწყების ცნობით, N8 გლდანის პენიტენციურ დაწესებულებაში covid-19 სამ პატიმარს დაუდასტურდა, ხოლო N2 ქუთაისის პენიტენციურ დაწესებულებაში - ოთხ პატიმარს.