"ერთიანი ნაციონალური მოძრაობის" თავმჯდომარე, ნიკა მელიას ამბობს, რომ სრულიად მობილიზებულია ბრძოლის შემდეგი ეტაპისთვის.

"იცი რა, მჯეროდა, რომ მხნედ ვიქნებოდი, მაგრამ ვერ წარმოვიდგენდი, რომ ასე მხნედ, ეტყობა კარგად ვიყავი მზად ფსიქოლოგიურად, თან დარწმუნებული ვარ, პირველ რიგში ის მოქმედებს დადებითად, რომ საერთოდ ხინჯს ვერ ვგრძნობ ჩემ სიმართლეში. როცა ზისტად იცი, რომ უდანაშაულო ხარ და ეჭვი არ გეპარება, ალბათ ყოველთვის ასე ხარ მხნედ. სრულიად მობილიზებული ვარ ბრძოლის შემდეგი ეტაპისთვის", - ამბობს ნიკა მელია ნიკა გვარამისთან ინტერვიუში.

ხუმრობით მან აღნიშნა, რომ კამერაში ორი ლოგინი აქვს და მრავალფეროვნებისთვის ხან ერთ საწოლზე წვება, ხან მეორეზე. მისივე თქმით, პირველი ორი დღე საოცრად გამოიძინა და ასეთ სიჩუმეში თავის სიცოცხლეში არასდროს უძინია.