"ბევრმა ყოფილმა ქოცმა დამიცვა, მთელი მსოფლიო ალაპარაკდა გრიგოლ ვაშაძეს კი ხმა არ ამოუღია...მისი პირადი კაბინეტის, ყოფილის, აღებას უყურა და ხმა არ დაუძრავს, მხოლოდ ამაზე მწყდება გული"

"ბევრმა ყოფილმა ქოცმა დამიცვა, მთელი მსოფლიო ალაპარაკდა გრიგოლ ვაშაძეს კი ხმა არ ამოუღია...მისი პირადი კაბინეტის, ყოფილის, აღებას უყურა და ხმა არ დაუძრავს, მხოლოდ ამაზე მწყდება გული" - მელია

პოლიტიკა - 20:30, 27 Feb, 2021

2723

რუსთავის მე-12 დაწესებულებაში "მთავარი არხის" დირექტორმა, ნიკა გვარამიამ "ნაციონალური მოძრაობის" თავმჯდომარესთან, ნიკა მელიასთან, პირველი ინტერვიუ ჩაწერა.

მელია პარტიის ყოფილ თავმჯდომარეს, გრიგოლ ვაშაძეს მიმართავს და ამბობს, რომ გული მხოლოდ იმაზე წყდება, რომ მისი ყოფილი კაბინეტის დარბევას უყურა, ნახა, რომ მთელი მსოფლიო ამაზე ლაპარაკობდა, მაგრამ ხმა არ ამოუღია.

"არ ვიცი, უნდა ვთქვა თუ არა, მაგრამ ალბათ ჯობია ვთქვა. გული ძალიან მწყდება იმაზე, რომ ნათია მეზვრიშვილმა, 20 ივნისის დამრბევი გახარიას მაშინდელმა მოადგილემ, საჯაროდ დამიცვა. ეს ერთი მაგალითია, ბევრმა სხვა ყოფილმა ქოცმა, რომ არაფერი ვთქვათ სხვებზე. და ამ დროს, სიტყვა არ დაუძრავს კაცს, რომელტანაც პირადი მეგობრობა მქონდა, რომელიც ჩემი პარტიის ლიდერი იყო წლების განმავლობაში - გრიგოლ ვაშაძეს ვგულისხმობ. ჩემ დაცვას ვინ დაეძებს, პარტია, რომელსაც წლები ხელმძღვანელობდა, პარტია, რომელმაც პრეზიდენტად წარადგინა და რომ არა მოპარული არჩევნები, აარჩევინა კიდეც მოსახლეობას, აი ამ პარტიის ცენტრალური ოფისის აღებაზე კაცს ხმა არ ამოუღია. მისი პირადი კაბინეტის, ყოფილის, აღებას უყურა და ხმა არ დაუძრავს, მთელი საქართველო და მთელი მსოფლიო ამაზე ლაპარაკობს. ყველა, ნაცმოძრაობის ყოფილი ლიდერის, გრიგოლ ვაშაძის გარდა. ამაზე მწყდება გული, მეტი არავიზე და არაფერზე" , - ამბობს ნიკა მელია.