თავისუფლების მოედანზე ე.წ. კომენდანტის საათი კიდევ ერთხელ გააპროტესტეს. აქციის მონაწილეებმა ადგილზე მიიტანეს ტრანსფარანტები წარწერებით: "თავისუფლება საშვით არ გაიცემა", "ყველას უნდა ჰქონდეს გადაადგილების უფლება", "გამომიშვი", "თავისუფლება შერჩევითი არ არის" და ა.შ. ადგილზევე გაშალეს დიდი ბანერი წარწერით: "თავისუფალი მიმოსვლა შეზღუდავია"

შეკრებილი ადამიანები ხელისუფლებისგან ღამის საათებში გადაადგილების შეზღუდვის დაუყონებლივ მოხსნას მოითხოვდნენ:

"ერთადერთი მოთხოვნა გვაქვს - გაუქმდეს კომენდანტის საათი, რადგან არის ძირითადი თავისუფლების შეზღუდვა. ვითხოვთ საკოორდინაციო საბჭოს გამჭვირვალე სხდომებს, იმიტომ რომ უკვე ალოგიკურია, 4 თვეა გრძელდება შეზღუდვები. ვართ შინაპატიმრობაში", - განაცხადა აქციის ერთ-ერთმა მონაწილემ.